فلک کے پار مرے عکس کا خزانہ ہے

فلک کے پار مرے عکس کا خزانہ ہے

فنا کے شہر میں میرا کہاں ٹھکانہ ہے

پروں کو تول رہا ہوں بلندیوں کی طرف

مرے وجود میں بیتاب اک دوانہ ہے

یہ کائنات ہے نقشے میں دائرے کی طرح

ہر ایک شے کے مقدر میں گھوم جانا ہے

جبیں بقا کے سمندر میں جھک گئی تو کھلا

مرے وجود کے اندر بھی اک زمانہ ہے

مرے خدا تری رحمت تو بے کراں ٹھہری

ہمارا شوق تو گندم کا ایک دانہ ہے

فرات کوستا رہتا ہوں تیرے پانی کو

ہمارا درد بھی طارقؔ بڑا پرانا ہے