falsafe ilm hi mein hote hain

falsafe 'ilm hī meñ hote haiñ

tajrabe zindagī meñ hote haiñ

jo añdhere meñ bhī na hote the

jurm vo raushnī meñ hote haiñ

hosh meñ ham se ho nahīñ sakte

kaam jo be-ḳhudī meñ hote haiñ

valvale har zabāñ pe hote hoñ

hausle kam kisī meñ hote haiñ

ham jalāte nahīñ charāġhoñ ko

ratjage chāñdnī meñ hote haiñ

maut kā ek marhala kyā hai

ġham bahut zindagī meñ hote haiñ

dard ke sho'le ranj-o-ġham ke 'sharar'

āñsuoñ kī nadī meñ hote haiñ

falsafe 'ilm hi mein hote hain

tajrabe zindagi mein hote hain

jo andhere mein bhi na hote the

jurm wo raushni mein hote hain

hosh mein hum se ho nahin sakte

kaam jo be-KHudi mein hote hain

walwale har zaban pe hote hon

hausle kam kisi mein hote hain

hum jalate nahin charaghon ko

ratjage chandni mein hote hain

maut ka ek marhala kya hai

gham bahut zindagi mein hote hain

dard ke sho'le ranj-o-gham ke 'sharar'

aansuon ki nadi mein hote hain