فنا جانتے ہیں بقا جانتے ہیں
فنا جانتے ہیں بقا جانتے ہیں
ارے ہم نشیں ہم وفا جانتے ہیں
ترا دیکھنا غم نہیں اس طرف کہ
تری ہم یہی خو حیا جانتے ہیں
تری مد بھری سی نگاہوں کے مارے
ترے ہر ستم کو روا جانتے ہیں
اسے چاہے جانے کی ضد ہے ازل سے
ترا حسن ہم با خدا جانتے ہیں
حقیقی مجازی کی تفریق بے جا
ترا عشق تیری عطا جانتے ہیں
غم زندگی تو نہیں ہے محبت
اسے اہل دل ہم دوا جانتے ہیں
بھٹکتا نہیں در بدر تیرا جوگیؔ
کہ وہ مصطفیٰ مرتضیٰ جانتے ہیں
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
