fankar hai to apne hunar ki bhi jaanch kar

fankār hai to apne hunar kī bhī jāñch kar

do aur do ko chhe nahīñ kartā to pāñch kar

haiñ tere kitne kaam ke bekār kis qadar

dariyāoñ ko khañgāl sitāroñ kī jāñch kar

le le na saare shahr ko apnī lapeT meñ

sar meñ sulag rahī hai jo ThanDī vo aañch kar

sach bolne kī taab nahīñ hai to kam se kam

ai aql-mand jhuuT ko chamkā ke sāñch kar

kab tak zamīñ makāñ zan-o-farzand kārobār

hastī kā hal bhī DhūñD koī soñch-sāñch kar

miTTī bhī terī dekh ke uglegī sīm-o-zar

apne lahū se chhoḌ use sīñch-sāñch kar

hiire ko kaun pūchhne vaalā hai ai aziiz

hiire ko chhīl-chhāl ke chamkā ke kāñch kar

fankar hai to apne hunar ki bhi jaanch kar

do aur do ko chhe nahin karta to panch kar

hain tere kitne kaam ke bekar kis qadar

dariyaon ko khangal sitaron ki jaanch kar

le le na sare shahr ko apni lapeT mein

sar mein sulag rahi hai jo ThanDi wo aanch kar

sach bolne ki tab nahin hai to kam se kam

ai aql-mand jhuT ko chamka ke sanch kar

kab tak zamin makan zan-o-farzand karobar

hasti ka hal bhi DhunD koi sonch-sanch kar

miTTi bhi teri dekh ke uglegi sim-o-zar

apne lahu se chhoD use sinch-sanch kar

hire ko kaun puchhne wala hai ai aziz

hire ko chhil-chhaal ke chamka ke kanch kar