فقط جذبات کو ہلچل نہ دینا
فقط جذبات کو ہلچل نہ دینا
خوشی دینا تو پل دو پل نہ دینا
ہمارا آج ہی اجلا بنا دو
چلو ہم کو سنہرا کل نہ دینا
بزرگوں کی یہ تصویریں ہیں بچو
سیاہی ان پہ کوئی مل نہ دینا
یوں ہی بہتا رہوں کل کل ہمیشہ
میں جھرنا ہوں مجھے جل تھل نہ دینا
اسے سونا پڑے گا پتھروں پر
مرے احساس کو مخمل نہ دینا
مرے احباب کو دینا سبھی کچھ
مجھے چاہے سکوں اک پل نہ دینا
دعا میری خدا سے ہے رشیؔ یہ
عمل دینا مجھے گو پھل نہ دینا
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
