faqir karb ki shiddat se rone wala hai
faqīr karb kī shiddat se rone vaalā hai
vo āshkār hai us par jo hone vaalā hai
isī zamīn se phūTegā raushnī kā shajar
vo qatl kar ke mirī laash bone vaalā hai
bahut hī ziddī hai bachcha bhī chup nahīñ hogā
sadā lagā.egā vo bhī khilaune vaalā hai
nikalne vaalā hai dhartī pe ik nayā sūraj
jo is chamaktī siyāhī ko dhone vaalā hai
muqīm in dinoñ maiñ qarya-e-siyāh meñ huuñ
galī bhī āḳhirī hai ghar bhī kone vaalā hai
faqir karb ki shiddat se rone wala hai
wo aashkar hai us par jo hone wala hai
isi zamin se phuTega raushni ka shajar
wo qatl kar ke meri lash bone wala hai
bahut hi ziddi hai bachcha bhi chup nahin hoga
sada lagaega wo bhi khilaune wala hai
nikalne wala hai dharti pe ek naya suraj
jo is chamakti siyahi ko dhone wala hai
muqim in dinon main qarya-e-siyah mein hun
gali bhi aaKHiri hai ghar bhi kone wala hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
