farebi shirin ziyaada zahin logon se
farebī shīrīñ ziyāda zahīn logoñ se
gurez kartā huuñ maiñ aise tiin logoñ se
faqīr auliyā shā.ir matīn logoñ se
milā-julā karo in behtarīn logoñ se
ye kitnī lāsheñ saheje kahāñ kahāñ rakkhe
ki tang aa ga.ī hai ab zamīn logoñ se
yaqīn kar vo tire paas lauT aa.egā
jab us kā uThne lagegā yaqīn logoñ se
tum us ke husn par jab jab bhī tabsira karnā
to pahle mashvara lenā hasīn logoñ se
ye māñgne pe kahāñ kuchh kisī ko dete haiñ
jo terā haq hai use laḌ ke chhīn logoñ se
farebi shirin ziyaada zahin logon se
gurez karta hun main aise tin logon se
faqir auliya shair matin logon se
mila-jula karo in behtarin logon se
ye kitni lashen saheje kahan kahan rakkhe
ki tang aa gai hai ab zamin logon se
yaqin kar wo tere pas lauT aaega
jab us ka uThne lagega yaqin logon se
tum us ke husn par jab jab bhi tabsira karna
to pahle mashwara lena hasin logon se
ye mangne pe kahan kuchh kisi ko dete hain
jo tera haq hai use laD ke chhin logon se
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
