raste humse raaz kahne lage

rāste ham se raaz kahne lage

phir to ham rāstoñ meñ rahne lage

mere lafzoñ ko mil ga.ī āñkheñ

saare aañsū laboñ se bahne lage

shahr ke lafz kar diye vāpas

apnī zaat apnī baat kahne lage

ham abhī Thiik se bane bhī na the

ḳhud se Takrā.e aur Dhahne lage

us ne talqīn-e-sabr kī thī so ham

jo na sahnā thā vo bhī sahne lage

ham ne miTTī kī beḌiyāñ kāTīñ

toḌā zindān-e-āb bahne lage

muzhda ai sakinān-e-shahr-e-suḳhan

'farhat-ehsās' sher kahne lage

raste hum se raaz kahne lage

phir to hum raston mein rahne lage

mere lafzon ko mil gai aankhen

sare aansu labon se bahne lage

shahr ke lafz kar diye wapas

apni zat apni baat kahne lage

hum abhi Thik se bane bhi na the

KHud se Takrae aur Dhahne lage

us ne talqin-e-sabr ki thi so hum

jo na sahna tha wo bhi sahne lage

hum ne miTTi ki beDiyan kaTin

toDa zindan-e-ab bahne lage

muzhda ai sakinan-e-shahr-e-suKHan

'farhat-ehsas' sher kahne lage