راستے ہم سے راز کہنے لگے
راستے ہم سے راز کہنے لگے
پھر تو ہم راستوں میں رہنے لگے
میرے لفظوں کو مل گئی آنکھیں
سارے آنسو لبوں سے بہنے لگے
شہر کے لفظ کر دیے واپس
اپنی ذات اپنی بات کہنے لگے
ہم ابھی ٹھیک سے بنے بھی نہ تھے
خود سے ٹکرائے اور ڈھہنے لگے
اس نے تلقین صبر کی تھی سو ہم
جو نہ سہنا تھا وہ بھی سہنے لگے
ہم نے مٹی کی بیڑیاں کاٹیں
توڑا زندان آب بہنے لگے
مژدہ اے ساکنان شہر سخن
فرحتؔ احساس شعر کہنے لگے
یہ متن درج ذیل زمرے میں بھی شامل ہے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
