farogh-e-dida-o-dil lala-e-sahar ki tarah

faroġh-e-dīda-o-dil lāla-e-sahar kī tarah

ujālā ban ke raho sham-e-rahguzar kī tarah

payambaroñ kī tarah se jiyo zamāne meñ

payām-e-shauq bano daulat-e-hunar kī tarah

ye zindagī bhī koī zindagī hai ham-nafaso

sitāra ban ke jale bujh ga.e sharar kī tarah

Darā sakī na mujhe tīrgī zamāne kī

añdherī raat se guzrā huuñ maiñ qamar kī tarah

samundaroñ ke talātum ne mujh ko paalā hai

chamak rahā huuñ isī vāste guhar kī tarah

tamām koh-o-til-o-bahr-o-bar haiñ zer-e-nagīñ

khulā huā huuñ maiñ shāhīñ ke bāl-o-par kī tarah

farogh-e-dida-o-dil lala-e-sahar ki tarah

ujala ban ke raho sham-e-rahguzar ki tarah

payambaron ki tarah se jiyo zamane mein

payam-e-shauq bano daulat-e-hunar ki tarah

ye zindagi bhi koi zindagi hai ham-nafaso

sitara ban ke jale bujh gae sharar ki tarah

Dara saki na mujhe tirgi zamane ki

andheri raat se guzra hun main qamar ki tarah

samundaron ke talatum ne mujh ko pala hai

chamak raha hun isi waste guhar ki tarah

tamam koh-o-til-o-bahr-o-bar hain zer-e-nagin

khula hua hun main shahin ke baal-o-par ki tarah