farogh-e-zulmat-e-shab tak hi jagmagaenge

faroġh-e-zulmat-e-shab tak hī jagmagā.eñge

sahar huī to sitāre nazar na ā.eñge

davām sirf haqīqat ko hai zamāne meñ

jo dāstāñ hai use log bhuul jā.eñge

bhaTak rahe haiñ jo manzil kī justujū meñ abhī

vahī safar ke na.e zāviye banā.eñge

harīf-e-mauj-o-talātum hoñ sab ye nā-mumkin

nahīf haiñ jo safīne vo Duub jā.eñge

hamāre zehn abhī itne nukta-ras haiñ kahāñ

tirī nazar ke ishāre samajh na pā.eñge

jafā se un kī jo tartīb pā rahī hai abhī

vo dāstāñ bhī sar-e-anjuman sunā.eñge

'nasīr' tark-e-ta.alluq hī un se behtar hai

vafā ke naam pe kab tak fareb khā.eñge

farogh-e-zulmat-e-shab tak hi jagmagaenge

sahar hui to sitare nazar na aaenge

dawam sirf haqiqat ko hai zamane mein

jo dastan hai use log bhul jaenge

bhaTak rahe hain jo manzil ki justuju mein abhi

wahi safar ke nae zawiye banaenge

harif-e-mauj-o-talatum hon sab ye na-mumkin

nahif hain jo safine wo Dub jaenge

hamare zehn abhi itne nukta-ras hain kahan

teri nazar ke ishaare samajh na paenge

jafa se un ki jo tartib pa rahi hai abhi

wo dastan bhi sar-e-anjuman sunaenge

'nasir' tark-e-talluq hi un se behtar hai

wafa ke nam pe kab tak fareb khaenge