farsh se arsh pe aawaz lagai maine

farsh se 'arsh pe āvāz lagā.ī maiñ ne

dāstāñ dard kī har gaam sunā.ī maiñ ne

ḳhāmushī dard ke 'unvān se tahrīr huī

ziist ko dār-o-rasan tak dī rasā.ī maiñ ne

tez bārish se dar-o-bām mahak uTThe the

hālat-e-‘ishq meñ jab dhuum machā.ī maiñ ne

maiñ ne qirtās pe har zaḳhm sajāyā aur phir

jāgtī āñkhoñ kī tasvīr banā.ī maiñ ne

kyā sitam hai ki tire baa'd jo taklīf huī

us kī rūdād kisī ko na sunā.ī maiñ ne

dekh kar aap ko us ḳhvāb-nagar meñ shab bhar

apnī soī huī taqdīr jagā.ī maiñ ne

kyā batā.ūñ maiñ zamāne kī tabāhī kā sabab

bas tire naam pe likh dī hai ḳhudā.ī maiñ ne

zindagī kār-e-mohabbat ke 'alāva nahīñ kuchh

apnī har saañs meñ ye baat samā.ī maiñ ne

ruuh sī phūñk gayā jism ke andar vo 'umūd'

giilī miTTī pe 'ajab shakl dikhā.ī maiñ ne

farsh se 'arsh pe aawaz lagai main ne

dastan dard ki har gam sunai main ne

KHamushi dard ke 'unwan se tahrir hui

zist ko dar-o-rasan tak di rasai main ne

tez barish se dar-o-baam mahak uTThe the

haalat-e-‘ishq mein jab dhum machai main ne

main ne qirtas pe har zaKHm sajaya aur phir

jagti aankhon ki taswir banai main ne

kya sitam hai ki tere ba'd jo taklif hui

us ki rudad kisi ko na sunai main ne

dekh kar aap ko us KHwab-nagar mein shab bhar

apni soi hui taqdir jagai main ne

kya bataun main zamane ki tabahi ka sabab

bas tere nam pe likh di hai KHudai main ne

zindagi kar-e-mohabbat ke 'alawa nahin kuchh

apni har sans mein ye baat samai main ne

ruh si phunk gaya jism ke andar wo 'umud'

gili miTTi pe 'ajab shakl dikhai main ne