فرض جو ہے ادا نہیں کرتے
فرض جو ہے ادا نہیں کرتے
ہم پہ وہ بھی جفا نہیں کرتے
زندگی کی طرح سے رکھتے ہیں
غم کو دل سے جدا نہیں کرتے
جو تڑپ کر نہ دل کو تڑپائیں
دل میں وہ غم رہا نہیں کرتے
ہم زمانے کے ظلم بے جا پر
کوئی شکوہ گلہ نہیں کرتے
جو کسی دور میں نہ پوچھیں حال
وہ تو اپنے ہوا نہیں کرتے
ساری دنیا کا مانتے ہیں کہا
صرف میرا کہا نہیں کرتے
ہوں وہ اپنے کہ شادؔ بیگانے
ہم کسی کو خفا نہیں کرتے
مأخذ :
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
