farz jo hai ada nahin karte

farz jo hai adā nahīñ karte

ham pe vo bhī jafā nahīñ karte

zindagī kī tarah se rakhte haiñ

ġham ko dil se judā nahīñ karte

jo taḌap kar na dil ko taḌpā.eñ

dil meñ vo ġham rahā nahīñ karte

ham zamāne ke zulm-e-be-jā par

koī shikva-gila nahīñ karte

jo kisī daur meñ na pūchheñ haal

vo to apne huā nahīñ karte

saarī duniyā kā mānte haiñ kahā

sirf merā kahā nahīñ karte

hoñ vo apne ki 'shād' begāne

ham kisī ko ḳhafā nahīñ karte

farz jo hai ada nahin karte

hum pe wo bhi jafa nahin karte

zindagi ki tarah se rakhte hain

gham ko dil se juda nahin karte

jo taDap kar na dil ko taDpaen

dil mein wo gham raha nahin karte

hum zamane ke zulm-e-be-ja par

koi shikwa-gila nahin karte

jo kisi daur mein na puchhen haal

wo to apne hua nahin karte

sari duniya ka mante hain kaha

sirf mera kaha nahin karte

hon wo apne ki 'shad' begane

hum kisi ko KHafa nahin karte