farzana hun aur nabz-shanas-e-do-jahan hun

farzāna huuñ aur nabz-shanās-e-do-jahāñ huuñ

dīvāna huuñ aur be-ḳhabar-e-sūd-o-ziyāñ huuñ

hālāñki maiñ har vaqt vahīñ huuñ vo jahāñ haiñ

vo sochte rahte haiñ maiñ kyā jaane kahāñ huuñ

merī hī taraf hai nigarāñ vaqt kī devī

har ahd meñ har daur meñ taqdīr-e-jahāñ huuñ

muhtāj-e-tavajjoh mirī har nargis-e-maḳhmūr

ai dost javāñ huuñ maiñ javāñ huuñ maiñ javāñ huuñ

mujh hī se ibārat hai ye tanzīm-e-gulistāñ

maiñ ḳhanda-e-gul hī nahīñ kāñToñ kī zabāñ huuñ

qaa.em hai mujhī se mire aslāf kī azmat

maiñ apne buzurgoñ kī sadāqat kā nishāñ huuñ

naġhmoñ ne mire dhuum machā dī hai chaman meñ

'jāved' maiñ ik tanz pai-e-nauha-girāñ huuñ

farzana hun aur nabz-shanas-e-do-jahan hun

diwana hun aur be-KHabar-e-sud-o-ziyan hun

haalanki main har waqt wahin hun wo jahan hain

wo sochte rahte hain main kya jaane kahan hun

meri hi taraf hai nigaran waqt ki dewi

har ahd mein har daur mein taqdir-e-jahan hun

muhtaj-e-tawajjoh meri har nargis-e-maKHmur

ai dost jawan hun main jawan hun main jawan hun

mujh hi se ibarat hai ye tanzim-e-gulistan

main KHanda-e-gul hi nahin kanTon ki zaban hun

qaem hai mujhi se mere aslaf ki azmat

main apne buzurgon ki sadaqat ka nishan hun

naghmon ne mere dhum macha di hai chaman mein

'jawed' main ek tanz pai-e-nauha-giran hun