fasil-e-jaan ke qaidi hain magar ye dhyan rakkha hai

fasīl-e-jāñ ke qaidī haiñ magar ye dhyān rakkhā hai

havā ke vāste ham ne dar-e-imkān rakkhā hai

sajā sakte the yādoñ ke ka.ī chehre ka.ī paikar

magar kuchh soch kar ham ne ye ghar vīrān rakkhā hai

hameñ shauq-e-azīyyat hai vagarna is zamāne meñ

tirī yādeñ bhulāne ko bahut sāmān rakkhā hai

tirī jholī meñ lā Dāleñge qarze is mohabbat ke

ki ham shorīda-sar haiñ kab koī ehsān rakkhā hai

shab-e-hijrāñ meñ dar aatī haiñ kaise ye mulāqāteñ

tamāshā-hā-e-ḳhalvat ne hameñ hairān rakkhā hai

tumheñ ye mānñā hogā ki ham ne apne lab sī kar

sukūt-e-shab kī muTThī meñ koī tūfān rakkhā hai

jo ho yaaro ba-har-sūrat charāġhoñ ko jalānā hai

havā.eñ kitnī barham haiñ ye ham ne jaan rakkhā hai

fasil-e-jaan ke qaidi hain magar ye dhyan rakkha hai

hawa ke waste hum ne dar-e-imkan rakkha hai

saja sakte the yaadon ke kai chehre kai paikar

magar kuchh soch kar hum ne ye ghar viran rakkha hai

hamein shauq-e-aziyyat hai wagarna is zamane mein

teri yaaden bhulane ko bahut saman rakkha hai

teri jholi mein la Dalenge qarze is mohabbat ke

ki hum shorida-sar hain kab koi ehsan rakkha hai

shab-e-hijran mein dar aati hain kaise ye mulaqaten

tamasha-ha-e-KHalwat ne hamein hairan rakkha hai

tumhein ye manna hoga ki hum ne apne lab si kar

sukut-e-shab ki muTThi mein koi tufan rakkha hai

jo ho yaro ba-har-surat charaghon ko jalana hai

hawaen kitni barham hain ye hum ne jaan rakkha hai