fasl-e-gul bhi taras ke kaTi hai
fasl-e-gul bhī taras ke kaaTī hai
umr kāñToñ meñ bas ke kaaTī hai
maiñ ne ro kar guzār dī ai abr
jaise tū ne baras ke kaaTī hai
ho ke pāband-e-ulfat-e-sayyād
zindagī be-qafas ke kaaTī hai
soz-e-ulfat meñ zindagī maiñ ne
ġhair kā muñh jhulas ke kaaTī hai
zindagī-bhar rahe hasīnoñ meñ
umr phūloñ meñ bas ke kaaTī hai
us ne kis naaz se mirī gardan
kamar-e-shauq kas ke kaaTī hai
us kī hasrat hai diid ke qābil
jis ne 'muztar' taras ke kaaTī hai
fasl-e-gul bhi taras ke kaTi hai
umr kanTon mein bas ke kaTi hai
main ne ro kar guzar di ai abr
jaise tu ne baras ke kaTi hai
ho ke paband-e-ulfat-e-sayyaad
zindagi be-qafas ke kaTi hai
soz-e-ulfat mein zindagi main ne
ghair ka munh jhulas ke kaTi hai
zindagi-bhar rahe hasinon mein
umr phulon mein bas ke kaTi hai
us ne kis naz se meri gardan
kamar-e-shauq kas ke kaTi hai
us ki hasrat hai did ke qabil
jis ne 'muztar' taras ke kaTi hai
- Book : Khirman (Part-1) (Pg. 185)
- Author : Muztar Khairabadi
- Publication : Javed Akhtar (2015)
- Edition : 2015
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
