fasl-e-gul ka gham dil-e-nashad par baqi raha

fasl-e-gul kā ġham dil-e-nāshād par baaqī rahā

hashr lag ye muzlima sayyād par baaqī rahā

khol kar zulfoñ kuuñ aayā sarv-qad jab baaġh meñ

naqsh-e-hairat turra-e-shamshād par baaqī rahā

jal gayā parvāna pan mujh sā samundar-ḳhū nahīñ

ye suḳhan shāgird kā ustād par baaqī rahā

āshiqī meñ kab ravā hai is tarah kī zālimī

ḳhūn-e-shīrīñ gardan-e-farhād par baaqī rahā

rah ga.e zauq-e-tabassum meñ taġhāful ke shahīd

bismiloñ kā ḳhūñ-bahā jallād par baaqī rahā

ulfat-e-lailā ne majnūñ kā miTāyā sab nishāñ

naam us kā safha-e-ījād par baaqī rahā

khol chashm-e-lutf de jāgīr maqsūd-e-'sirāj'

sham.a-rū parvāna-dil sayyād par baaqī rahā

fasl-e-gul ka gham dil-e-nashad par baqi raha

hashr lag ye muzlima sayyaad par baqi raha

khol kar zulfon kun aaya sarw-qad jab bagh mein

naqsh-e-hairat turra-e-shamshad par baqi raha

jal gaya parwana pan mujh sa samundar-KHu nahin

ye suKHan shagird ka ustad par baqi raha

aashiqi mein kab rawa hai is tarah ki zalimi

KHun-e-shirin gardan-e-farhad par baqi raha

rah gae zauq-e-tabassum mein taghaful ke shahid

bismilon ka KHun-baha jallad par baqi raha

ulfat-e-laila ne majnun ka miTaya sab nishan

nam us ka safha-e-ijad par baqi raha

khol chashm-e-lutf de jagir maqsud-e-'siraj'

shama-ru parwana-dil sayyaad par baqi raha