fasurda shaKH par aaKHir gul-e-taza nikal aaya

fasurda shāḳh par āḳhir gul-e-tāza nikal aayā

lagā ki dozaḳhī koī lab-e-dariyā nikal aayā

ishāre par kisī ke shahr-e-maqbūza meñ khiltā thā

bichhaḌ kar phuul se ḳhushbū kā ik jhoñkā nikal aayā

maiñ TukḌe TukḌe hote dekhtā thā ghar ke āñgan ko

ka.ī hissoñ meñ baTtā apnā hī chehra nikal aayā

vajūd apnā kisī Dahte makāñ kā pesh-ḳhema hai

agar dīvār kī ūñchī to darvāza nikal aayā

ta.alluq joḌne ke fan se aarī ho ga.e haiñ ham

jahāñ Thahre ḳhayāl-e-shahr-e-ā.inda nikal aayā

fasurda shaKH par aaKHir gul-e-taza nikal aaya

laga ki dozaKHi koi lab-e-dariya nikal aaya

ishaare par kisi ke shahr-e-maqbuza mein khilta tha

bichhaD kar phul se KHushbu ka ek jhonka nikal aaya

main TukDe TukDe hote dekhta tha ghar ke aangan ko

kai hisson mein baTta apna hi chehra nikal aaya

wajud apna kisi Dahte makan ka pesh-KHema hai

agar diwar ki unchi to darwaza nikal aaya

talluq joDne ke fan se aari ho gae hain hum

jahan Thahre KHayal-e-shahr-e-ainda nikal aaya