faza hoti ghubar-aluda suraj Dubta hota
fazā hotī ġhubār-ālūda sūraj Dūbtā hotā
ye nazzāra bhī dilkash thā agar maiñ thak gayā hotā
nadāmat sā.ateñ aa.iiñ to ye ehsās bhī jaagā
ki apnī zaat ke andar bhī thoḌā sā ḳhalā hotā
guzishta roz o shab se aaj bhī ik rabt sā kuchh hai
vagarna shahr bhar meñ maarā maarā phir rahā hotā
ajab sī narm āñhkeñ gandumī āvāz ḳhushbūeñ
ye jis kā aks haiñ us shaḳhs kā kuchh to pata hotā
masā.il jaise ab darpesh haiñ shāyad nahīñ hote
agar kār-e-junūñ maiñ ne salīqe se kiyā hotā
faza hoti ghubar-aluda suraj Dubta hota
ye nazzara bhi dilkash tha agar main thak gaya hota
nadamat saaten aain to ye ehsas bhi jaga
ki apni zat ke andar bhi thoDa sa KHala hota
guzishta roz o shab se aaj bhi ek rabt sa kuchh hai
wagarna shahr bhar mein mara mara phir raha hota
ajab si narm aanhken gandumi aawaz KHushbuen
ye jis ka aks hain us shaKHs ka kuchh to pata hota
masail jaise ab darpesh hain shayad nahin hote
agar kar-e-junun main ne saliqe se kiya hota
- Book : Kitab Gumrah Kar Rahi Hai (Pg. 22)
- Author :Shahram Sarmadi
- Publication : Rekhta Publications (2018)
- Edition : First
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
