faza KHamosh zamin dang aasman chup hai
fazā ḳhamosh zamīn dañg āsmāñ chup hai
zamāna chīḳh rahā hai magar jahāñ chup hai
TaToltā huuñ dar-e-tāq ajnabī kī tarah
mire makāñ ke añdheroñ meñ sham.a-dāñ chup hai
usī se ḳhatra-e-ifshā-e-rāz hai darpesh
vo aadmī jo hamāre hī darmiyāñ chup hai
bahut sambhal ke guzar zindagī ke lamhoñ se
na jaane gir paḌe kab ret kā makāñ chup hai
nigāh meñ koī manzil na koī samt-e-safar
havā ḳhamosh hai kashtī kā bādbāñ chup hai
tamāsha dekh rahe haiñ tire dayār ke log
maiñ ḳhud huuñ mehr-ba-lab merī dāstāñ chup hai
ye kaisā ulTā zamāna hai in dinoñ 'sā.ib'
ki āsmāñ ke zamīñ sar hai āsmāñ chup hai
faza KHamosh zamin dang aasman chup hai
zamana chiKH raha hai magar jahan chup hai
TaTolta hun dar-e-taq ajnabi ki tarah
mere makan ke andheron mein shama-dan chup hai
usi se KHatra-e-ifsha-e-raaz hai darpesh
wo aadmi jo hamare hi darmiyan chup hai
bahut sambhal ke guzar zindagi ke lamhon se
na jaane gir paDe kab ret ka makan chup hai
nigah mein koi manzil na koi samt-e-safar
hawa KHamosh hai kashti ka baadban chup hai
tamasha dekh rahe hain tere dayar ke log
main KHud hun mehr-ba-lab meri dastan chup hai
ye kaisa ulTa zamana hai in dinon 'saib'
ki aasman ke zamin sar hai aasman chup hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
