faza mein chhae hue hain udas sannaTe

fazā meñ chhā.e hue haiñ udaas sannāTe

hoñ jaise zulmat-e-shab kā libās sannāTe

tire ḳhayāl kī aahaT ne sard kar Daalā

sulag rahe the abhī ās-pās sannāTe

ḳhudī ke nanhe farishtoñ ko loriyāñ de kar

jagā na deñ kahīñ jismoñ kī pyaas sannāTe

uThāo sang-e-sadā aur zor se pheñko

bikhar hī jā.eñge ye be-qayās sannāTe

ye ahl-e-zarf kī himmat ko āzmāte haiñ

har ek dil ko nahīñ aate raas sannāTe

'salīm' shaam kī tārīkiyāñ baḌhāte haiñ

yahī daraḳht pe laTke udaas sannāTe

faza mein chhae hue hain udas sannaTe

hon jaise zulmat-e-shab ka libas sannaTe

tere KHayal ki aahaT ne sard kar Dala

sulag rahe the abhi aas-pas sannaTe

KHudi ke nanhe farishton ko loriyan de kar

jaga na den kahin jismon ki pyas sannaTe

uThao sang-e-sada aur zor se phenko

bikhar hi jaenge ye be-qayas sannaTe

ye ahl-e-zarf ki himmat ko aazmate hain

har ek dil ko nahin aate ras sannaTe

'salim' sham ki tarikiyan baDhate hain

yahi daraKHt pe laTke udas sannaTe