faza mein phaili hui tirgi mein shamil hun
fazā meñ phailī huī tīrgī meñ shāmil huuñ
sukūt-e-shab maiñ tirī ḳhāmushī meñ shāmil huuñ
hai buzdilī kī alāmat ye ḳhāmushī lekin
maiñ apne ahd kī is buzdilī meñ shāmil huuñ
ayaañ zamāne meñ tū bhī nahīñ hai aur maiñ bhī
bahut sī bātoñ kī poshīdgī meñ shāmil huuñ
sunā to ḳhuub gayā hai mujhe magar phir bhī
ye lag rahā hai kisī an-kahī meñ shāmil huuñ
yahī nahīñ ki zabāneñ huī haiñ zahrīlī
maiñ un ke zehn kī ālūdgī meñ shāmil huuñ
agar ye sach hai to mahsūs kyoñ nahīñ hotā
ai vaqt maiñ tirī maujūdgī meñ shāmil huuñ
qafas meñ jo ye parinda hai taak meñ 'nusrat'
maiñ us ke jazba-e-āmādgī meñ shāmil huuñ
faza mein phaili hui tirgi mein shamil hun
sukut-e-shab main teri KHamushi mein shamil hun
hai buzdili ki alamat ye KHamushi lekin
main apne ahd ki is buzdili mein shamil hun
ayan zamane mein tu bhi nahin hai aur main bhi
bahut si baaton ki poshidgi mein shamil hun
suna to KHub gaya hai mujhe magar phir bhi
ye lag raha hai kisi an-kahi mein shamil hun
yahi nahin ki zabanen hui hain zahrili
main un ke zehn ki aaludgi mein shamil hun
agar ye sach hai to mahsus kyon nahin hota
ai waqt main teri maujudgi mein shamil hun
qafas mein jo ye parinda hai tak mein 'nusrat'
main us ke jazba-e-amadgi mein shamil hun
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
