fazaen KHushk thin ghar ki to bahar kyon nahin dekha

fazā.eñ ḳhushk thiiñ ghar kī to bāhar kyoñ nahīñ dekhā

darīchoñ se vo hañgāmoñ kā manzar kyoñ nahīñ dekhā

zamīñ ke ḳhushk lab ye mausamoñ kā zahr piite haiñ

to tum ne āsmānoñ kā samundar kyoñ nahīñ dekhā

fazāoñ kī kasak se kuchh taqāze bhī badalte haiñ

havas lamhāt ko tum ne kuchal kar kyoñ nahīñ dekhā

sunā ye hai samundar meñ jazīre bhī numāyāñ the

haTā kar bādbāñ tum ne Thahar kar kyoñ nahīñ dekhā

jo ghar meñ chhoḌ aayā thā kafan oḌhe hue rishte

na jaane us ne bastī ko palaT kar kyoñ nahīñ dekhā

sunā hai barf se bhī ungliyāñ logoñ kī jaltī haiñ

to tum ne sard añgāroñ ko chhū kar kyoñ nahīñ dekhā

janāb-e-'rind' tum to pūjte aa.e ho patthar ko

jo darvāze pe chaspāñ hai vo patthar kyoñ nahīñ dekhā

fazaen KHushk thin ghar ki to bahar kyon nahin dekha

darichon se wo hangamon ka manzar kyon nahin dekha

zamin ke KHushk lab ye mausamon ka zahr pite hain

to tum ne aasmanon ka samundar kyon nahin dekha

fazaon ki kasak se kuchh taqaze bhi badalte hain

hawas lamhat ko tum ne kuchal kar kyon nahin dekha

suna ye hai samundar mein jazire bhi numayan the

haTa kar baadban tum ne Thahar kar kyon nahin dekha

jo ghar mein chhoD aaya tha kafan oDhe hue rishte

na jaane us ne basti ko palaT kar kyon nahin dekha

suna hai barf se bhi ungliyan logon ki jalti hain

to tum ne sard angaron ko chhu kar kyon nahin dekha

janab-e-'rind' tum to pujte aae ho patthar ko

jo darwaze pe chaspan hai wo patthar kyon nahin dekha