firozi tasbih ka ghera hath mein jalwa-afgan tha

fīrozī tasbīh kā gherā haath meñ jalva-afgan thā

nāranjī sham.oñ se hujra ḳhair kī shab meñ raushan thā

rāh-ravoñ ne dasht-e-safar meñ har ummīd sañvārī thī

rañj kī raah pe chalne vāloñ kā har ḳhvāb muzayyan thā

raat huī hai ḳhema to naaqe se utārā jā.egā

diip kahāñ rakkhā hai jis meñ kuchh zaitūn kā roġhan thā

rañgoñ kī ye qaab ulaT de tasvīroñ par maaTī lep

khoj jo sone ke sikkoñ kā ik goshe meñ bartan thā

chiin meñ sunte haiñ shāyad ab ā.īna ījād huā

varna ik tālāb hī apnī ārā.ish kā darpan thā

mātam kī āvāz uThā.ī zanjīroñ ke halqoñ ne

haath bañdhe the gardan se par girya shām-tā-madyan thā

firozi tasbih ka ghera hath mein jalwa-afgan tha

naranji shamon se hujra KHair ki shab mein raushan tha

rah-rawon ne dasht-e-safar mein har ummid sanwari thi

ranj ki rah pe chalne walon ka har KHwab muzayyan tha

raat hui hai KHema to naqe se utara jaega

dip kahan rakkha hai jis mein kuchh zaitun ka roghan tha

rangon ki ye qab ulaT de taswiron par maTi lep

khoj jo sone ke sikkon ka ek goshe mein bartan tha

chin mein sunte hain shayad ab aaina ijad hua

warna ek talab hi apni aaraish ka darpan tha

matam ki aawaz uThai zanjiron ke halqon ne

hath bandhe the gardan se par girya sham-ta-madyan tha