fikr-e-manzil hai na hosh-e-jada-e-manzil mujhe

fikr-e-manzil hai na hosh-e-jāda-e-manzil mujhe

jā rahā huuñ jis taraf le jā rahā hai dil mujhe

ab zabāñ bhī de adā-e-shukr ke qābil mujhe

dard baḳhshā hai agar tū ne bajā.e-dil mujhe

yuuñ taḌap kar dil ne taḌpāyā sar-e-mahfil mujhe

us ko qātil kahne vaale kah uThe qātil mujhe

ab kidhar jā.ūñ batā ai jazba-e-kāmil mujhe

har taraf se aaj aatī hai sadā-e-dil mujhe

rok saktī ho to baḌh kar rok le manzil mujhe

har taraf se aaj aatī hai sadā-e-dil mujhe

jaan dī ki hashr tak maiñ huuñ mirī tanhā.iyāñ

haañ mubārak fursat-e-nazzāra-e-qātil mujhe

har ishāre par hai phir bhī gardan-e-taslīm ḳham

jāntā huuñ saaf dhoke de rahā hai dil mujhe

jā bhī ai nāseh kahāñ kā suud aur kaisā ziyāñ

ishq ne samjhā diyā hai ishq kā hāsil mujhe

maiñ azal se sub.h-e-mahshar tak farozāñ hī rahā

husn samjhā thā charāġh-e-kushta-e-mahfil mujhe

ḳhūn-e-dil rag rag meñ jam kar rah gayā is vahm se

baḌh ke siine se na lipTā le mirā qātil mujhe

kaisā qatra kaisā dariyā kis kā tūfāñ kis kī mauj

tū jo chāhe to Dubo de ḳhushkī-e-sāhil mujhe

phūñk de ai ġhairat-e-soz-e-mohabbat phūñk de

ab samajhtī haiñ vo nazreñ rahm ke qābil mujhe

toḌ kar baiThā huuñ rāh-e-shauq meñ pā-e-talab

dekhnā hai jazba-e-be-tābī-e-manzil mujhe

ai hujūm-e-nā-umīdī shād-bāsh-o-zinda-bāsh

tū ne sab se kar diyā begāna-o-ġhāfil mujhe

dard-e-mahrūmī sahī ehsās-e-nākāmī sahī

us ne samjhā to bahar-sūrat kisī qābil mujhe

ye bhī kyā manzar hai baḌhte haiñ na rukte haiñ qadam

tak rahā huuñ duur se manzil ko maiñ manzil mujhe

fikr-e-manzil hai na hosh-e-jada-e-manzil mujhe

ja raha hun jis taraf le ja raha hai dil mujhe

ab zaban bhi de ada-e-shukr ke qabil mujhe

dard baKHsha hai agar tu ne bajae-dil mujhe

yun taDap kar dil ne taDpaya sar-e-mahfil mujhe

us ko qatil kahne wale kah uThe qatil mujhe

ab kidhar jaun bata ai jazba-e-kaamil mujhe

har taraf se aaj aati hai sada-e-dil mujhe

rok sakti ho to baDh kar rok le manzil mujhe

har taraf se aaj aati hai sada-e-dil mujhe

jaan di ki hashr tak main hun meri tanhaiyan

han mubarak fursat-e-nazzara-e-qatil mujhe

har ishaare par hai phir bhi gardan-e-taslim KHam

jaanta hun saf dhoke de raha hai dil mujhe

ja bhi ai naseh kahan ka sud aur kaisa ziyan

ishq ne samjha diya hai ishq ka hasil mujhe

main azal se subh-e-mahshar tak farozan hi raha

husn samjha tha charagh-e-kushta-e-mahfil mujhe

KHun-e-dil rag rag mein jam kar rah gaya is wahm se

baDh ke sine se na lipTa le mera qatil mujhe

kaisa qatra kaisa dariya kis ka tufan kis ki mauj

tu jo chahe to Dubo de KHushki-e-sahil mujhe

phunk de ai ghairat-e-soz-e-mohabbat phunk de

ab samajhti hain wo nazren rahm ke qabil mujhe

toD kar baiTha hun rah-e-shauq mein pa-e-talab

dekhna hai jazba-e-be-tabi-e-manzil mujhe

ai hujum-e-na-umidi shad-bash-o-zinda-bash

tu ne sab se kar diya begana-o-ghafil mujhe

dard-e-mahrumi sahi ehsas-e-nakaami sahi

us ne samjha to bahar-surat kisi qabil mujhe

ye bhi kya manzar hai baDhte hain na rukte hain qadam

tak raha hun dur se manzil ko main manzil mujhe