fikr-e-naqqad-e-adab dirham-o-dinar mein hai

fikr-e-naqqād-e-adab dirham-o-dīnār meñ hai

kaun sī jins-e-suḳhan kūcha-o-bāzār meñ hai

garmī-e-husn mirī garmī-e-afkār meñ hai

vo agar mujh meñ nahīñ hai mire ash.ār meñ hai

pā-ba-zanjīr mujhe laakh zamāna samjhe

mire qadmoñ kī dhamak vaqt kī raftār meñ hai

raat qaabū meñ rahe shahr ke hālāt magar

laash ik lipTī huī sub.h ke aḳhbār meñ hai

koī āvāra sā jhoñkā koī bāġhī sā ḳhayāl

jis se maiñ ḳhauf-zada huuñ mire ash.ār meñ hai

kal isī ghar meñ ġhazal us ne sunā.ī hogī

jānī-pahchānī sī ḳhushbū dar-o-dīvār meñ hai

sāhil-e-maslahat-e-vaqt mujhe jaane de

us safīne ne pukārā hai jo majdhār meñ hai

vo mohabbat kā mujāhid vo muravvat kā shahīd

kal kā 'saulat' abhī zinda mire afkār meñ hai

fikr-e-naqqad-e-adab dirham-o-dinar mein hai

kaun si jins-e-suKHan kucha-o-bazar mein hai

garmi-e-husn meri garmi-e-afkar mein hai

wo agar mujh mein nahin hai mere ashaar mein hai

pa-ba-zanjir mujhe lakh zamana samjhe

mere qadmon ki dhamak waqt ki raftar mein hai

raat qabu mein rahe shahr ke haalat magar

lash ek lipTi hui subh ke aKHbar mein hai

koi aawara sa jhonka koi baghi sa KHayal

jis se main KHauf-zada hun mere ashaar mein hai

kal isi ghar mein ghazal us ne sunai hogi

jaani-pahchani si KHushbu dar-o-diwar mein hai

sahil-e-maslahat-e-waqt mujhe jaane de

us safine ne pukara hai jo majdhaar mein hai

wo mohabbat ka mujahid wo murawwat ka shahid

kal ka 'saulat' abhi zinda mere afkar mein hai