fikr-e-sud-o-ziyan mein rahna hai

fikr-e-sūd-o-ziyāñ meñ rahnā hai

bas yahī is jahāñ meñ rahnā hai

ik kashākash sī jaañ meñ rahnā hai

jab talak dāstāñ meñ rahnā hai

har taraf āsmān phailā hai

sab ko ik sā.ebāñ meñ rahnā hai

kal kyuuñ girtā hai aaj gir jaa.e

kaun sā is makāñ meñ rahtā hai

kitnī āsāniyāñ mayassar haiñ

kitnā mushkil jahāñ meñ rahnā hai

kamra-e-imtihān hai duniyā

har ghaḌī imtihāñ meñ rahnā hai

phir lagā.ī sabīl āñkhoñ ne

phir se āb-e-ravāñ meñ rahnā hai

aab o gil ātish o havā haiñ ham

aur isī ḳhāndāñ meñ rahnā hai

zindagī pūchhte ho kyā mujh se

qahqahoñ kā fuġhāñ meñ rahnā hai

fikr har kas ba-qadar-e-himmat-e-ūst

ham ko hindostāñ meñ rahnā hai

sāñseñ maġhmūm ho ga.iiñ sun kar

'ḳhālid'-e-ḳhasta-jāñ meñ rahnā hai

fikr-e-sud-o-ziyan mein rahna hai

bas yahi is jahan mein rahna hai

ek kashakash si jaan mein rahna hai

jab talak dastan mein rahna hai

har taraf aasman phaila hai

sab ko ek saeban mein rahna hai

kal kyun girta hai aaj gir jae

kaun sa is makan mein rahta hai

kitni aasaniyan mayassar hain

kitna mushkil jahan mein rahna hai

kamra-e-imtihan hai duniya

har ghaDi imtihan mein rahna hai

phir lagai sabil aankhon ne

phir se aab-e-rawan mein rahna hai

aab o gil aatish o hawa hain hum

aur isi KHandan mein rahna hai

zindagi puchhte ho kya mujh se

qahqahon ka fughan mein rahna hai

fikr har kas ba-qadar-e-himmat-e-ust

hum ko hindostan mein rahna hai

sansen maghmum ho gain sun kar

'KHalid'-e-KHasta-jaan mein rahna hai