fikr ka gar silsila maujud hai
fikr kā gar silsila maujūd hai
faash hai vo bhī jo nā-maujūd hai
us se mujh se fāsla kuchh bhī nahīñ
ek dīvār-e-anā maujūd hai
sochtā huuñ kuchh amal kartā huuñ kuchh
mujh meñ koī dūsrā maujūd hai
suntā rahtā huuñ tire qadmoñ kī chaap
varna dil meñ aur kyā maujūd hai
hijr meñ ro.e to jī halkā huā
dard ke andar davā maujūd hai
haal pūchhā us ne mujh se baat kī
ab yaqīn aayā ḳhudā maujūd hai
ab to 'ābid' chashm-e-nam bhī hai ḳhamosh
roz ik sadma nayā maujūd hai
fikr ka gar silsila maujud hai
fash hai wo bhi jo na-maujud hai
us se mujh se fasla kuchh bhi nahin
ek diwar-e-ana maujud hai
sochta hun kuchh amal karta hun kuchh
mujh mein koi dusra maujud hai
sunta rahta hun tere qadmon ki chap
warna dil mein aur kya maujud hai
hijr mein roe to ji halka hua
dard ke andar dawa maujud hai
haal puchha us ne mujh se baat ki
ab yaqin aaya KHuda maujud hai
ab to 'abid' chashm-e-nam bhi hai KHamosh
roz ek sadma naya maujud hai
- Book : Pakistani Adab (Pg. 286)
- Author : Dr. Rashid Amjad
- Publication : Pakistan Academy of Letters, Islambad, Pakistan (2009)
- Edition : 2009
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
