fikr ke jab bhi panw uThenge tere ghar tak jaenge

fikr ke jab bhī paañv uTheñge tere ghar tak jā.eñge

duniyā bhar ko dekhne vaale merī nazar tak jā.eñge

ham ne jī kar dekh liyā hai ye dhartī to tang rahī

dosto ab ye soch rahe haiñ shams-o-qamar tak jā.eñge

tabdīlī is nazm-e-kuhan kī aaj nahīñ to kal hogī

jin raste ye raaz mileñge aisī Dagar tak jā.eñge

baiThe baiThe soch rahe ho haath na kuchh lagne vaalā

jin ko phaloñ kī ḳhvāhish hogī vo hī shajar tak jā.eñge

sher-o-suḳhan kī mahfil meñ sab muñh laTkā.e baiThe haiñ

ham to apne sher sunāne ahl-e-nazar tak jā.eñge

sab ne aisā soch liyā manzil āsāñ ho jā.egī

'shā.ista' jo raah chale us rāhguzar tak jā.eñge

fikr ke jab bhi panw uThenge tere ghar tak jaenge

duniya bhar ko dekhne wale meri nazar tak jaenge

hum ne ji kar dekh liya hai ye dharti to tang rahi

dosto ab ye soch rahe hain shams-o-qamar tak jaenge

tabdili is nazm-e-kuhan ki aaj nahin to kal hogi

jin raste ye raaz milenge aisi Dagar tak jaenge

baiThe baiThe soch rahe ho hath na kuchh lagne wala

jin ko phalon ki KHwahish hogi wo hi shajar tak jaenge

sher-o-suKHan ki mahfil mein sab munh laTkae baiThe hain

hum to apne sher sunane ahl-e-nazar tak jaenge

sab ne aisa soch liya manzil aasan ho jaegi

'shaista' jo rah chale us rahguzar tak jaenge