fikr-o-izhaar mein KHud aane lagi pa-mardi
fikr-o-iz.hār meñ ḳhud aane lagī pā-mardī
bhuuk kī aag ne lahje meñ tamāzat bhar dī
kuchh to hai ziist jo vaqf-e-mai-o-sāġhar kar dī
varna kis ko hai pasand apne liye bedardī
ishq-e-āvāra-o-badnām ne 'izzat rakh lī
ham se be-ghar bhī kiyā karte haiñ kūcha-gardī
baat to jab hai ki tum kahne lago us ko basant
gul-o-gulzār pe jo aane lagī hai zardī
aap ke jism pe kyā ḳhuub hai mausam kā libās
haa.e jo log samajhte nahīñ garmī-sardī
fikr-o-izhaar mein KHud aane lagi pa-mardi
bhuk ki aag ne lahje mein tamazat bhar di
kuchh to hai zist jo waqf-e-mai-o-saghar kar di
warna kis ko hai pasand apne liye bedardi
ishq-e-awara-o-badnam ne 'izzat rakh li
hum se be-ghar bhi kiya karte hain kucha-gardi
baat to jab hai ki tum kahne lago us ko basant
gul-o-gulzar pe jo aane lagi hai zardi
aap ke jism pe kya KHub hai mausam ka libas
hae jo log samajhte nahin garmi-sardi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
