firaq-o-wasl to yak-dam thin aarzi rasmen

firāq-o-vasl to yak-dam thiiñ 'ārzī rasmeñ

hameñ gunāh ne bāñdhā huā hai aapas meñ

ḳhushī thī itnī tirī rail chhūT jaane kī

maiñ books rakh ke uThātā rahā tirī qasmeñ

mirī to ḳhair thī kambaḳht titliyoñ ko bhī

maza hī aur milā surḳh phūloñ ke ras meñ

nazar jo ḳhvāb sā chehra koī sirhāne paḌā

use bhī chaaT gayā maiñ kitāb kī chas meñ

vo baaġh lāzmī hogā ye peḌ bhī hogā

par aise phuul to khilte nahīñ haiñ undulas meñ

sahar kī pahlī kiran ne qafas meñ par maare

to ḳhuun dauḌ gayā pattharoñ kī nas-nas meñ

usī ke pīchhe hai duniyā kā sab se daulat-mand

jo husn ik dafa dekhā thā gashtī circus meñ

vo paise gintī hai tantī hai chaltī bantī hai

maiñ sochtā huuñ ki kyā kuchh nahīñ mire bas meñ

abhī schōl kī ghanTī nahīñ bajī 'bābar'

maiñ jhuk ke bāñdh rahā huuñ matīn ke tasme

firaq-o-wasl to yak-dam thin 'arzi rasmen

hamein gunah ne bandha hua hai aapas mein

KHushi thi itni teri rail chhuT jaane ki

main books rakh ke uThata raha teri qasmen

meri to KHair thi kambaKHt titliyon ko bhi

maza hi aur mila surKH phulon ke ras mein

nazar jo KHwab sa chehra koi sirhane paDa

use bhi chaT gaya main kitab ki chas mein

wo bagh lazmi hoga ye peD bhi hoga

par aise phul to khilte nahin hain undulas mein

sahar ki pahli kiran ne qafas mein par mare

to KHun dauD gaya pattharon ki nas-nas mein

usi ke pichhe hai duniya ka sab se daulat-mand

jo husn ek dafa dekha tha gashti circus mein

wo paise ginti hai tanti hai chalti banti hai

main sochta hun ki kya kuchh nahin mere bas mein

abhi school ki ghanTi nahin baji 'babar'

main jhuk ke bandh raha hun matin ke tasme