fitna-e-shams-o-qamar se nikle

fitna-e-shams-o-qamar se nikle

halqa-e-shām-o-sahar se nikle

kyā kaheñ kitne sharar kitne gul

mere dāmān-e-hunar se nikle

haath uThāne kī zarūrat na rahī

ham duāoñ ke asar se nikle

kitne tūfān rahe dil meñ nihāñ

kitne andāz nazar se nikle

vo bhī āñgan meñ khaḌā kāñptā thā

ham bhī sahme hue ghar se nikle

sāmne barf kī dīvār thī 'shān'

ham jab us rāhguzar se nikle

fitna-e-shams-o-qamar se nikle

halqa-e-sham-o-sahar se nikle

kya kahen kitne sharar kitne gul

mere daman-e-hunar se nikle

hath uThane ki zarurat na rahi

hum duaon ke asar se nikle

kitne tufan rahe dil mein nihan

kitne andaz nazar se nikle

wo bhi aangan mein khaDa kanpta tha

hum bhi sahme hue ghar se nikle

samne barf ki diwar thi 'shan'

hum jab us rahguzar se nikle