fitna-gar kya makan se nikla
fitna-gar kyā makān se niklā
āsmāñ āsmān se niklā
dil meñ rahne na duuñ tirā shikva
dil meñ aaya zabān se niklā
vahm aate haiñ dekhiye kyā ho
vo akelā makān se niklā
sach to ye hai muāmla dil kā
bāhar apne gumān se niklā
mere aañsū kī us ne kī tārīf
ḳhuub motī ye kaan se niklā
ham khaḌe tum se bāteñ karte the
ġhair kyoñ darmiyān se niklā
zikr ahl-e-vafā kā jab aaya
'dāġh' un kī zabān se niklā
fitna-gar kya makan se nikla
aasman aasman se nikla
dil mein rahne na dun tera shikwa
dil mein aaya zaban se nikla
wahm aate hain dekhiye kya ho
wo akela makan se nikla
sach to ye hai muamla dil ka
bahar apne guman se nikla
mere aansu ki us ne ki tarif
KHub moti ye kan se nikla
hum khaDe tum se baaten karte the
ghair kyon darmiyan se nikla
zikr ahl-e-wafa ka jab aaya
'dagh' un ki zaban se nikla
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.