fitna-KHu le gai dil chhin ke jhaT-paT humse

fitna-ḳhū le ga.ī dil chhīn ke jhaT-paT ham se

aur phir sāmne aane meñ hai ghūñghaT ham se

aap kā qasd mohabbat hai agar ġhairoñ se

qarz le lījiye thoḌī sī mohabbat ham se

so ga.e ham to ham-āġhosh hue ḳhvāb meñ vo

ab to karne lage kuchh kuchh vo lagāvaT ham se

ek bose kī talab meñ huī mehnat barbād

vasl kī raat huī yaar se khaTpaT ham se

sulh kar leñ tire ḳhanjar ke gale mil jaa.eñ

qatl ke vaqt na rakhiye vo rukāvaT ham se

haa.e kis naaz se kahte haiñ shab-e-vasl meñ vo

ho chukī baat jo honī thī pare haT ham se

fitna-KHu le gai dil chhin ke jhaT-paT hum se

aur phir samne aane mein hai ghunghaT hum se

aap ka qasd mohabbat hai agar ghairon se

qarz le lijiye thoDi si mohabbat hum se

so gae hum to ham-aghosh hue KHwab mein wo

ab to karne lage kuchh kuchh wo lagawaT hum se

ek bose ki talab mein hui mehnat barbaad

wasl ki raat hui yar se khaTpaT hum se

sulh kar len tere KHanjar ke gale mil jaen

qatl ke waqt na rakhiye wo rukawaT hum se

hae kis naz se kahte hain shab-e-wasl mein wo

ho chuki baat jo honi thi pare haT hum se