fitne uThenge to paigham-e-tabahi denge

fitne uTheñge to paiġhām-e-tabāhī deñge

aur tārīk fazāoñ ko siyāhī deñge

maiñ ne ye baat kabhī ḳhvāb meñ sochī bhī na thī

mere apne hī muḳhālif kī gavāhī deñge

kaun sī raah tire dar pe unheñ le jaa.e

ye pata rāh-e-tamannā ko vo raahī deñge

aap chāheñ to hameñ bhuul bhī jaa.eñ lekin

hāl-e-dil ham to kisī roz sunā hī deñge

aur nikhregī tabhī dār-o-rasan kī azmat

sar ko haq baat pe jab haq ke sipāhī deñge

sirf apnoñ kī sharārat hai tabāhī meñ yahāñ

aap kis kis ko ye ilzām-e-tabāhī deñge

be-niyāzī kā ye aalam hai to ik din ‘chashma’

mere dil ko vo taḌap sūrat-e-māhī deñge

fitne uThenge to paigham-e-tabahi denge

aur tarik fazaon ko siyahi denge

main ne ye baat kabhi KHwab mein sochi bhi na thi

mere apne hi muKHalif ki gawahi denge

kaun si rah tere dar pe unhen le jae

ye pata rah-e-tamanna ko wo rahi denge

aap chahen to hamein bhul bhi jaen lekin

haal-e-dil hum to kisi roz suna hi denge

aur nikhregi tabhi dar-o-rasan ki azmat

sar ko haq baat pe jab haq ke sipahi denge

sirf apnon ki shararat hai tabahi mein yahan

aap kis kis ko ye ilzam-e-tabahi denge

be-niyazi ka ye aalam hai to ek din ‘chashma’

mere dil ko wo taDap surat-e-mahi denge