فغاں کی طرح ہے اذاں کی طرح ہے

فغاں کی طرح ہے اذاں کی طرح ہے

ہر انسان شاہ جہاں کی طرح ہے

یقیں مدتوں سے گماں کی طرح ہے

کہ ہر موسم گل خزاں کی طرح ہے

کسی غم سے کمتر نہیں کوئی بھی غم

کہ ہر غم غم ناگہاں کی طرح ہے

یہ کس کی صدا ہے جو میں سن رہا ہوں

شکست دل دوستاں کی طرح ہے

جہاں آرزو بن کے برسوں رہے تھے

وہ دل آج خالی مکاں کی طرح ہے

ترے ساتھ گزرا ہوا ایک لمحہ

کسی لمحۂ جاوداں کی طرح ہے

جسے دیکھتا ہوں میں اپنے وطن میں

پریشان اردو زباں کی طرح ہے