furqat mein waslat barpa hai allah-hu ke baade mein

furqat meñ vaslat barpā hai allāh-hū ke baaḌe meñ

āshob-e-vahdat barpā hai allāh-hū ke baaḌe meñ

rūh-e-kul se sab rūhoñ par vasl kī hasrat taarī hai

ik sar-e-hikmat barpā hai allāh-hū ke baaḌe meñ

be-ahvālī kī hālat hai shāyad yā shāyad ki nahīñ

par ahvāliyyat barpā hai allāh-hū ke baaḌe meñ

muḳhtārī ke lab silvānā jabr ajab-tar Thahrā hai

haijān-e-ġhairat barpā hai allāh-hū ke baaḌe meñ

baabā alif irshād-kunāñ haiñ pesh-e-adam ke baare meñ

hairat be-hairat barpā hai allāh-hū ke baaḌe meñ

ma.anī haiñ lafzoñ se barham qahr-e-ḳhamoshī aalam hai

ek ajab hujjat barpā hai allāh-hū ke baaḌe meñ

maujūdī se inkārī hai apnī zid meñ nāz-e-vajūd

hālat sī hālat barpā hai allāh-hū ke baaḌe meñ

furqat mein waslat barpa hai allah-hu ke baDe mein

aashob-e-wahdat barpa hai allah-hu ke baDe mein

ruh-e-kul se sab ruhon par wasl ki hasrat tari hai

ek sar-e-hikmat barpa hai allah-hu ke baDe mein

be-ahwali ki haalat hai shayad ya shayad ki nahin

par ahwaliyyat barpa hai allah-hu ke baDe mein

muKHtari ke lab silwana jabr ajab-tar Thahra hai

haijaan-e-ghairat barpa hai allah-hu ke baDe mein

baba alif irshad-kunan hain pesh-e-adam ke bare mein

hairat be-hairat barpa hai allah-hu ke baDe mein

mani hain lafzon se barham qahr-e-KHamoshi aalam hai

ek ajab hujjat barpa hai allah-hu ke baDe mein

maujudi se inkari hai apni zid mein naz-e-wajud

haalat si haalat barpa hai allah-hu ke baDe mein