furqat se ham-kanar to tu bhi hai main bhi hun

furqat se ham-kanār to tū bhī hai maiñ bhī huuñ

milne ko be-qarār to tū bhī hai maiñ bhī huuñ

duniyā meñ sar uThā ke kahāñ tak chaleñge ham

duniyā se sharmsār to tū bhī hai maiñ bhī huuñ

aisā kareñ ki baañT leñ aapas ke ranj-o-ġham

hālāt kā shikār to tū bhī hai maiñ bhī huuñ

manzil kī aarzū meñ bhaTakne kā shauq rakh

ik raah kā ġhubār to tū bhī hai maiñ bhī huuñ

mahfil meñ us kī jā ke magar kyā kareñge ham

ġhairoñ meñ ab shumār to tū bhī hai maiñ bhī huuñ

jo dil-fareb haiñ vahī manzar haiñ dil-nashīñ

kahne ko hoshiyār to tū bhī hai maiñ bhī huuñ

'bebāk' ruḳh pe chhāne lage haiñ ḳhizāñ ke rañg

go hāsil-e-bahār to tū bhī hai maiñ bhī huuñ

furqat se ham-kanar to tu bhi hai main bhi hun

milne ko be-qarar to tu bhi hai main bhi hun

duniya mein sar uTha ke kahan tak chalenge hum

duniya se sharmsar to tu bhi hai main bhi hun

aisa karen ki banT len aapas ke ranj-o-gham

haalat ka shikar to tu bhi hai main bhi hun

manzil ki aarzu mein bhaTakne ka shauq rakh

ek rah ka ghubar to tu bhi hai main bhi hun

mahfil mein us ki ja ke magar kya karenge hum

ghairon mein ab shumar to tu bhi hai main bhi hun

jo dil-fareb hain wahi manzar hain dil-nashin

kahne ko hoshiyar to tu bhi hai main bhi hun

'bebak' ruKH pe chhane lage hain KHizan ke rang

go hasil-e-bahaar to tu bhi hai main bhi hun