فرصت سے اب بھی گاؤں کی واقف یہ دہر ہے

فرصت سے اب بھی گاؤں کی واقف یہ دہر ہے

مصروف ہر کوئی ہے جہاں پر وہ شہر ہے

سچ بولنے کی ضد نے امر کر دیا اسے

سقراط جانتا تھا پیالے میں زہر ہے

ہم تشنگان کرب و بلا خیمہ زن تو ہیں

جب تک یزید وقت کے قبضے میں نہر ہے

تعمیق و طول کا ہو اثر ان پہ کس طرح

جو لوگ جانتے ہیں کہ قطروں میں بحر ہے

میں سوچتا ہوں آپ سے نسبت کا سلسلہ

میرا خلوص میری محبت کہ مہر ہے

ایسی کوئی خطا بھی نہیں کی ہے میں نے جب

نازل مری صدی پہ کیوں ہر لمحہ قہر ہے