fursat se ab bhi ganw ki waqif ye dahr hai

fursat se ab bhī gaañv kī vāqif ye dahr hai

masrūf har koī hai jahāñ par vo shahr hai

sach bolne kī zid ne amar kar diyā use

suqrāt jāntā thā piyāle meñ zahr hai

ham tishnigān-e-karb-o-balā ḳhema-zan to haiñ

jab tak yazīd-e-vaqt ke qabze meñ nahr hai

tā'mīq o tuul kā ho asar un pe kis tarah

jo log jānte haiñ ki qatroñ meñ bahr hai

maiñ sochtā huuñ aap se nisbat kā silsila

merā ḳhulūs merī mohabbat ki mehr hai

aisī koī ḳhatā bhī nahīñ kī hai maiñ ne jab

nāzil mirī sadī pe kyoñ har lamha qahr hai

fursat se ab bhi ganw ki waqif ye dahr hai

masruf har koi hai jahan par wo shahr hai

sach bolne ki zid ne amar kar diya use

suqraat jaanta tha piyale mein zahr hai

hum tishnigan-e-karb-o-bala KHema-zan to hain

jab tak yazid-e-waqt ke qabze mein nahr hai

ta'miq o tul ka ho asar un pe kis tarah

jo log jaante hain ki qatron mein bahr hai

main sochta hun aap se nisbat ka silsila

mera KHulus meri mohabbat ki mehr hai

aisi koi KHata bhi nahin ki hai main ne jab

nazil meri sadi pe kyon har lamha qahr hai