fusun-e-rang tajalli-e-KHwab-zar na de
fusūn-e-rang tajallī-e-ḳhvāb-zār na de
nigāh de bhī to minnat-kash-e-sahār na de
kuchh aur zauq-e-tajassus ko murta.ish kar de
sukūñ nazar ko na de qalb ko qarār na de
tavahhumāt ke sahrā se phir guzār mujhe
yaqīñ kā soz na de harf-e-e'tibār na de
na de vo zor ke īmān zulm par rakkhūñ
shi.ār jabr ko samjhūñ vo iḳhtiyār na de
maiñ qarz-ḳhvār agar huuñ to phir taqāza na kar
to sūd-ḳhvār hai to zindagī udhār na de
chhupā chhupā ke na rakh harf harf meñ ḳhud ko
junūñ-shi.ār nazar-pairahan utaar na de
fusun-e-rang tajalli-e-KHwab-zar na de
nigah de bhi to minnat-kash-e-sahaar na de
kuchh aur zauq-e-tajassus ko murtaish kar de
sukun nazar ko na de qalb ko qarar na de
tawahhumat ke sahra se phir guzar mujhe
yaqin ka soz na de harf-e-e'tibar na de
na de wo zor ke iman zulm par rakkhun
shiar jabr ko samjhun wo iKHtiyar na de
main qarz-KHwar agar hun to phir taqaza na kar
to sud-KHwar hai to zindagi udhaar na de
chhupa chhupa ke na rakh harf harf mein KHud ko
junun-shiar nazar-pairahan utar na de
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
