fuzul raaz mohabbat ka sab chhupate hain

fuzūl raaz mohabbat kā sab chhupāte haiñ

bujhā.e jo na bujhe aag vo bujhāte haiñ

maiñ jitnā rāh-e-mohabbat se haTtā jaatā huuñ

vo utne hī mire nazdīk aa.e jaate haiñ

sambhāl jazba-e-ḳhuddārī-e-dil-e-mahzūñ

kisī ke sāmne phir ashk aa.e jaate haiñ

tumhāre husn ke jalvaoñ kī shoḳhiyāñ tauba

nazar to aate nahīñ dil pe chhā.e jaate haiñ

hazār husn kī fitrat se ho koī āgāh

nigāh-e-lutf ke sab hī fareb khāte haiñ

shikasta dil hī ke naġhme to haiñ vo ai 'jazbī'

jinheñ vo sunte haiñ aur jhuum jhuum jaate haiñ

fuzul raaz mohabbat ka sab chhupate hain

bujhae jo na bujhe aag wo bujhate hain

main jitna rah-e-mohabbat se haTta jata hun

wo utne hi mere nazdik aae jate hain

sambhaal jazba-e-KHuddari-e-dil-e-mahzun

kisi ke samne phir ashk aae jate hain

tumhaare husn ke jalwaon ki shoKHiyan tauba

nazar to aate nahin dil pe chhae jate hain

hazar husn ki fitrat se ho koi aagah

nigah-e-lutf ke sab hi fareb khate hain

shikasta dil hi ke naghme to hain wo ai 'jazbi'

jinhen wo sunte hain aur jhum jhum jate hain