gaDi ki khiDki se dekha shab ko us ka shahr

gaaḌī kī khiḌkī se dekhā shab ko us kā shahr

chāroñ or thā kaalā jañgal biich meñ ujlā shahr

yaad na aatā kyuuñ gaañv meñ ham ko bhī lahore

log samundar-pār na paa.eñ is se achchhā shahar

sach hai har ik mulk ḳhudā kā des hai har insāñ kā

lekin apnā shahr hai yaaro āḳhir apnā shahr

ḳhvāb meñ sun kar jaag uThtā huuñ un kī chīḳh-pukār

uf vo laḌte marte baasī uf vo jaltā shahr

poshīda haiñ dil meñ us kī yādoñ ke tūfān

dafn haiñ ek khañDar kī tah meñ kitne zinda shahr

mujh par ik ghanghor udāsī tujh par rañg aur nuur

merā chehra ban hai pyaar se terā chehra shahr

kal kī baat hai aur thakan se ab tak chuur huuñ maiñ

us laḌkī kā jism thā 'zāhid' ūñchā-nīchā shahr

gaDi ki khiDki se dekha shab ko us ka shahr

chaaron or tha kala jangal bich mein ujla shahr

yaad na aata kyun ganw mein hum ko bhi lahore

log samundar-par na paen is se achchha shahar

sach hai har ek mulk KHuda ka des hai har insan ka

lekin apna shahr hai yaro aaKHir apna shahr

KHwab mein sun kar jag uThta hun un ki chiKH-pukar

uf wo laDte marte basi uf wo jalta shahr

poshida hain dil mein us ki yaadon ke tufan

dafn hain ek khanDar ki tah mein kitne zinda shahr

mujh par ek ghanghor udasi tujh par rang aur nur

mera chehra ban hai pyar se tera chehra shahr

kal ki baat hai aur thakan se ab tak chur hun main

us laDki ka jism tha 'zahid' uncha-nicha shahr