gah bismil hun gahe takbir hun

gaah bismil huuñ gahe takbīr huuñ

apnī maiñ tadbīr kā taqdīr huuñ

mere dam se hai junūñ kī aabrū

pāsbān-e-ḳhāna-e-zanjīr huuñ

be-ruḳhī par hai kamāñ taqdīr kī

go sarāpā nāvak-e-tadbīr huuñ

dushmanoñ ke huuñ zarar kā sarnavisht

dostoñ ke naf.a kī taqrīr huuñ

hai ḳharābī raḳhna-andāz-e-binā

qasr-e-barbādī kā maiñ ta.amīr huuñ

qad tavāzo.a meñ hai ḳham misl-e-kamāñ

rāst-kārī meñ misāl-e-tīr huuñ

maiñ huuñ ik naqqāsh shā.ir ai 'vaqār'

khīñchtā ash.ār kī tasvīr huuñ

gah bismil hun gahe takbir hun

apni main tadbir ka taqdir hun

mere dam se hai junun ki aabru

pasban-e-KHana-e-zanjir hun

be-ruKHi par hai kaman taqdir ki

go sarapa nawak-e-tadbir hun

dushmanon ke hun zarar ka sarnawisht

doston ke nafa ki taqrir hun

hai KHarabi raKHna-andaz-e-bina

qasr-e-barbaadi ka main tamir hun

qad tawazoa mein hai KHam misl-e-kaman

rast-kari mein misal-e-tir hun

main hun ek naqqash shair ai 'waqar'

khinchta ashaar ki taswir hun