gahe-gahe na mujhko ghiza dijiye

gāhe-gāhe na mujh ko ġhizā dījiye

bhuuk ko mārne kī davā dījiye

maiñ huuñ sachchā to mujh ko sila dījiye

aur jhūTā huuñ to phir sazā dījiye

bol kar hī batānā zarūrī nahīñ

aap raazī haiñ to muskurā dījiye

vo jo chehre ke pīchhe bhī dikhlātā ho

mujh ko aisā koī ā.īna dījiye

ham bhī aa.e haiñ jhukne dar-e-yār par

ham ko bhī jaane kā rāsta dījiye

mere dil meñ to bas aap hī aap haiñ

aap ke dil meñ kyā hai batā dījiye

apne bāhar se 'ulfat' bahut mil chukā

ab mire ghar se mujh ko milā dījiye

gahe-gahe na mujh ko ghiza dijiye

bhuk ko marne ki dawa dijiye

main hun sachcha to mujh ko sila dijiye

aur jhuTa hun to phir saza dijiye

bol kar hi batana zaruri nahin

aap raazi hain to muskura dijiye

wo jo chehre ke pichhe bhi dikhlata ho

mujh ko aisa koi aaina dijiye

hum bhi aae hain jhukne dar-e-yar par

hum ko bhi jaane ka rasta dijiye

mere dil mein to bas aap hi aap hain

aap ke dil mein kya hai bata dijiye

apne bahar se 'ulfat' bahut mil chuka

ab mere ghar se mujh ko mila dijiye