گاؤں آ کر جو اپنا گھر دیکھا
گاؤں آ کر جو اپنا گھر دیکھا
دل کو آزردہ کس قدر دیکھا
گھر تھا خاموش اونگھتی گلیاں
ایک سناٹا سربسر دیکھا
آشیاں تھا جو ہم پرندوں کا
تنہا تنہا سا وہ شجر دیکھا
کس کے شانے پہ رکھ کے سر روتے
کوئی رشتہ نہ معتبر دیکھا
کھیت کھلیان ساتھ رونے لگے
روتا ہم کو جو اس قدر دیکھا
عیش و عشرت کی یاد آئی بہت
ہم نے بچپن میں جھانک کر دیکھا
یاد پاپا کی خوب آئی صہیبؔ
ہم نے بچوں کو ڈانٹ کر دیکھا
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
