ganw aa kar jo apna ghar dekha

gaañv aa kar jo apnā ghar dekhā

dil ko āzurda kis qadar dekhā

ghar thā ḳhāmosh ūñghtī galiyāñ

ek sannāTā sar-basar dekhā

āshiyāñ thā jo ham parindoñ kā

tanhā tanhā sā vo shajar dekhā

kis ke shāne pe rakh ke sar rote

koī rishta na mo'atabar dekhā

khet khaliyān saath rone lage

rotā ham ko jo is qadar dekhā

aish-o-ishrat kī yaad aa.ī bahut

ham ne bachpan meñ jhāñk kar dekhā

yaad paapā kī ḳhuub aa.ī 'suhaib'

ham ne bachchoñ ko DaañT kar dekhā

ganw aa kar jo apna ghar dekha

dil ko aazurda kis qadar dekha

ghar tha KHamosh unghti galiyan

ek sannaTa sar-basar dekha

aashiyan tha jo hum parindon ka

tanha tanha sa wo shajar dekha

kis ke shane pe rakh ke sar rote

koi rishta na mo'atabar dekha

khet khaliyan sath rone lage

rota hum ko jo is qadar dekha

aish-o-ishrat ki yaad aai bahut

hum ne bachpan mein jhank kar dekha

yaad papa ki KHub aai 'suhaib'

hum ne bachchon ko DanT kar dekha