ghaar se sang haTaya to wo Khaali nikla

ġhaar se sañg haTāyā to vo ḳhālī niklā

kisī qaidī kā na kirdār misālī niklā

chaḌhte sūraj ne har ik haath meñ kashkol diyā

sub.h hote hī har ik ghar se savālī niklā

sab kī shakloñ meñ tirī shakl nazar aa.ī mujhe

qur.a-e-fāl mire naam pe gaalī niklā

raas aa.e mujhe murjhā.e hue zard gulāb

ġham kā partav mire chehre kī bahālī niklā

kab gayā jism magar saa.e to mahfūz rahe

merā shīrāza bikhar kar bhī misālī niklā

raat jab guzrī to phir sub.h-e-hinā rañg huī

chāñd kī tarah mirā aks ḳhayālī niklā

taḳht ḳhālī hī rahā dil kā hamesha 'sājid'

is riyāsat kā to koī bhī na vaalī niklā

ghaar se sang haTaya to wo KHali nikla

kisi qaidi ka na kirdar misali nikla

chaDhte suraj ne har ek hath mein kashkol diya

subh hote hi har ek ghar se sawali nikla

sab ki shaklon mein teri shakl nazar aai mujhe

qura-e-fal mere nam pe gali nikla

ras aae mujhe murjhae hue zard gulab

gham ka partaw mere chehre ki bahaali nikla

kab gaya jism magar sae to mahfuz rahe

mera shiraaza bikhar kar bhi misali nikla

raat jab guzri to phir subh-e-hina rang hui

chand ki tarah mera aks KHayali nikla

taKHt KHali hi raha dil ka hamesha 'sajid'

is riyasat ka to koi bhi na wali nikla