gae hain des ko hum apne chhoD kar hi nahin

ga.e haiñ des ko ham apne chhoḌ kar bhī nahīñ

muhājrat ke liye shart ab safar bhī nahīñ

isī jahān meñ rahte haiñ ḳhūb-rū aise

yaqīn mujh ko huā us ko dekh kar bhī nahīñ

mire vajūd meñ ghul-mil ke kar gayā tanhā

vo ek shaḳhs jo aayā kabhī nazar bhī nahīñ

vo ik kitāb ga.ī thī diloñ se tāqoñ par

ab aisī duur huī hai ki taaq par bhī nahīñ

ġham aur ḳhushī nahīñ mauqūf rone hañsne par

aur in havāloñ se iz.hār mo'tabar bhī nahīñ

gae hain des ko hum apne chhoD kar bhi nahin

muhajrat ke liye shart ab safar bhi nahin

isi jahan mein rahte hain KHub-ru aise

yaqin mujh ko hua us ko dekh kar bhi nahin

mere wajud mein ghul-mil ke kar gaya tanha

wo ek shaKHs jo aaya kabhi nazar bhi nahin

wo ek kitab gai thi dilon se taqon par

ab aisi dur hui hai ki taq par bhi nahin

gham aur KHushi nahin mauquf rone hansne par

aur in hawalon se izhaar mo'tabar bhi nahin